Çalakîya roniştişî ya gruba parlementeranê HDPyî zî mîyan de ya ke hemverê Şaredarîya Bajarê Girdî ya Amedî de dest pêkerdbî, dewam kena. Destûr nîno dayene ke hemwelatijî tewrê çalakî bibî
Çalakîya ke vera tayînkerdişê qayûmî yê herinda Hemşaredarê Amedî Adnan Selçuk Mizrakliyî de dîya dest pêkerde dewam kena. Amed de vera xespkerdişê îradeyê şarî çalakîyê protestoyî kewtê roja çarine. Amedijî tewrê parlamenteranê HDPyî hemverê şaredarîye de saetanê serê sibayî de dest bi çalakîya roniştişî kerdî. Parlamenterê Partîya Demokratîke ya Şaran (HDP) Musa Farisogullari, Dersîm Dag, Remziye Tosun, Feleknas Uca û Dilşat Canbaze zî mîyan de grubek Raşteyê Lîseyî yê hemverê Şaredarîya Bajarê Girdî ya Amedî ke bi rojan o binê ablûqaya polîsan de yo de dest bi çalakîya roniştişî kerdî.
Parlamenterê HDPyî tewrê eşkerayîya verê Plaza AZCyî bîyî û dima ra reyna agêrayî Raşteyê Lîse û çalakîya xo dewam kerdî. 4 kuçeyê ke vejîyenê Raşteyê Lîseyî ke parlementer û hemwelatijî 4 rajî yo ke ewja de çalakî de yî zî bi barîyeranê polîsan ameyî padayene. Hemwelatijê ke wazenêke barîyerê polîsan derbaz bikerî û tewrê çalakî bibî, yenî astengkerdene. Hemwelatijê ke yenî astengkerdene bi tilîlîyan û çepikan piştî danî çalakîye. AMED
