Malbatên girtiyên li dijî tecrîda li Îmraliyê di grevên birçîbûnê dene, çalakiya rûniştinê ya li ber Girtîgeha Gebze dan dest pêkirin, di roja 3’yan de dewam dike. Polîsan mudaxileyî malbatên li ber girtîgehê kom bûn kirin û destûr nedan çalakiya rûniştinê pêk bînin
Çalakiya nobetê ya malbatên girtiyên li dijî tecrîda li ser Rêberê Gelê Kurd Abdullah Ocalan di grevên birçîbûnê de, di 9’ê nîsanê de li ber Girtîgeha Jinan a Tîpa M a Gebzeyê dest pê kirin dewam dike. Malbatên berê 2 caran hatin binçavkirin, nêzî girtîgehê çalakiya xwe dewam dikin. Rêveber û endamên Partiya Demokratîk a Gelan (HDP) ên navend û navçeyên Stenbolê û gelek kes bi armanca piştgirî dayîna malbatên girtiyên li ber girtîgehê, li hev kom bûn. Malbatên xwestin biçin ber girtîgehê ji aliyê polîsan ve hatin astengkirin. Lê polîsan malbat asteng kirin. Ji ber ku malbat belav nebûn, polîsan bi darê zorê malbat ji ber girtîgehê dûr kirin. Li ser vê demek kurt dinavbera polîs û malbatan de pevçûn derket.
Polîsan hemû rêyên girtîgehê girtin û malbat jî heya demekê nêzî girtîgehê rawestiyan. Malbatên li ber girtîgehê rawestiyan diyar kirin ku ewê her roj saet 12.00’an bên li ber girtîgehê û dê çalakiya xwe berdewam bikin. Piştre malbat bi koma HDP’iyan re derbasî avahiya HDP’ê ya navçeya Gebzê bûn. STENBOL
