Navenda Ragihandin û Çapemeniyê ya HPG’ê ya têkildarî çalakiyên gerîlayan daxuyaniyek nivîskî weşand.
Daxuyaniya HPG’ê wiha ye:
“Di çarçoveya Pêngava Şoreşgerî ya Cenga Xabûrê de li herêma Metînayê;
19’ê hezîranê saet di 19:30’î de li dijî dagirkerên li ser Girê Koordîneyê bi rêbaza sekvaniyê çalakiyek hate lidarxistin. Di vê çalakiyê de dagirkerek hate cezakirin. Dagirkeran cenazeyê leşkerê ku hate cezakirin saet di 20:30’î de bi helîkoptera Skorsky ji herêmê bir.
19’ê hezîranê saet di navbear 21:00-00:00 de helîkopter li ser herêma Metînayê geriyan. Dagirkeran leşkerên xwe yên li nêzî gundê êzidî 2 caran bi helîkopteran guhertin. Her wiha qadên Kêste û Zendûrayê bi helîkopterên êrîşê bombe kirin.
Bi balafirên şer û helîkopteran êrîş li ser herêmên Avaşîn û Zapê hate kirin.
Agahiyên berfireh ên li ser van êrîşan wiha ne:
18’ê hezîranê saet di 10:00 û 00:00 de balafirên şer qada Werxelê ya herêma Avaşînê bi balafirên şer bombe kirin. 19’ê hezîranê saet di navbera 02:00-02:30’î de heman qad bi helîkopterên êrîşê hate bombekirin. Di heman demê de drone li ser qadê geriyan.
19’ê hezîranê saet di 22:15’an bi piştgiriya helîkopterên êrîşê dagirkeran hewl dan bi helîkopterên Skorsky dagirkeran li qada Girê Silêman a herêma Avaşînê deyne. Lê belê bi destwerdana hêzên me re neçar man ku ji herêmê biçin. Heman rojê saet di navbera 23:00-23:40’î de qada Girê Sor bi helîkopterên êrîşê hate bombekirin.
19’ê hezîranê saet di 00:50’î de qada Werxelê ya herêma Avaşînê 4 caran bi balafirên şer hate bombekirin.
19’ê hezîranê saet di navbera 22:30-00:00 de li qadên Tîpa T û Cîlo yê Biçûk ên herêma Zapê, helîkopter geriyan. Dagirkerên li Girê Şehîd Serxwebûn bi helîkopteran hate guhertin. Di heman demê de qada Tîpa T bi helîkopterên êrîşê hate bombekirin. Di encama vê bombardûmanê de şewat bi qadê ket.” BEHDÎNAN
