Partiya Demokratîk a Gelan (HDP), bi boneya 1’ê Îlonê Roja Aştiya Cîhanê xwest ji bo bîranîna 103 kesên di encama komkujiya bombeyî ya DAIŞ’ê de jiyana xwe ji dest dan, li ber Gara Enqereyê çalakiya ‘Xeleka aştiyê’ li dar bixe. Lê çalakiya HDP’iyan rastî astengî û mudaxeleya polîsan hat.
Polîsên ku Gara Enqereyê dorpêç kirin, destûr nedan ku welatî beşdarî çalakiyê bibin û rojnamegerên xwestin çalakiyê bişopînin jî, asteng kirin.
Tenê destûr hat dayîn ku parlamenter biçin ber Gara Enqereyê. Parlamenterên çûn ber Garê ji bo bîranan kesên di komkujiyê de jiyana xwe ji dest dan, qerenfîl danîn.
Li aliyê din, welatiyên heya Parka Ciwanan meşiyan jî, dirûşma ‘Bijî aştî’ berz kirin.
Hat hînbûn ku welatiyê bi navê Aydin Erdogan di dema meşê de, ji aliyê polîsan ve hat derpkirin û binçavkirin. ENQERE
