Navenda Ragihandin û Çapemeniyê ya HPG’ê têkildarî çalakiyên gerîlayan a li dijî dagirkerî daxuyaniyeke nivîskî weşand.
Daxuyaniya HPG’ê ya li ser çalakiyên gerîlayan wiha ye:
“Hêzên me yên Parastina Hewayî yên Şehîd Delal; di şeva 18-19’ê gulanê de saet di 12:00 û 12:30’an bi du balafiran li Navenda Baregeha Jet a 8’êmîn a li Amedê du çalakî li pey hev lidarxistin.
Bi balafira destpêkê li avahiyekê hate xistin. Di vê avahiyê de pîlotên dagirker û personelên hêzên hewayî yên tirk tê de bûn. Balafira duyemîn jî li hangara ku balafirên şer tê de bûn xist. Ev herdu çalakî bi rengekî serkeftî pêk hat û di encamê de li Fermandariya Baregeha Jetê ya Bingehîn a dagirkeran teqînên mezin pêk hatin. Hejmara pîlotên dagirker ên hatin kuştin û birîndarkirin, nehate zelalkirin.
Di çarçoveya Pêngava Şoreşgerî ya Bazên Zagrosê de;
18’ê gulanê saet di 00:30’î de li herêma Xakurkê, wesayîteke bi tîpa Reo ya artêşa tirk a dagirker dema ku di navbera Girên Kevortê û Lêlikanê de diçû, bi rêbaza sabotajê çalakî li dijî wê hate lidarxistin. Di vê çalakiyê de wesayita bi tîpa Reo bi temamî hate îmhakirin, herî kêm 6 dagirkerên tê de hatin kuştin.
Ev çalakî ji bo bîranîna Şehîdên Meha Gulanê hate lidarxistin.
19’ê gulanê li qada bi Tîpa T a li herêma Zagrosê li dijî dagirkerên ku tevdigeriyan çalakiyek hate lidarxistin. Dema ku 4 dagirker li hev civiyan, ji cihekî nêz ve derb i wan hate xistin. Agahiyên berfireh ên li ser vê çalakiyê wê piştre bêne parvekirin.
Di çarçoveya Pêngava Şoreşgerî ya Cenga Xabûrê de;
18’ê gulanê saet di 16:30’an de li herêma Metînayê li dijî dagirkerên li ser Girê Azad bi çekên giran çalakiyek hate lidarxistin. Li vê derê 3 roket li kozikên dagirkeran ketin, 2 roket jî li derdora kozikan ketin. Hejmara dagirkerên hatin cezakirin û yên birîndar bûn nehate zelalkirin.
Piştî vê çalakiyê helîkopterên Skorsky li ser herêmê geriyan, ji qereqolên li ser sînor obus li gundên Dêşîşê û Seraroyê hatin barandin. Ji ber vê bombardûmanê xisar li bax û baxçeyên li herêmê bû.
Di êrîşên hewayî de tiştek bi gerîla nehat
Artêşa tirk a dagirker bi helîkopteran û balafirên şer êrîş bir ser Herêmên Parastinê yên Medyayê.
Agahiyên berfireh ên li ser êrîşan wiha ne:
19’ê gulanê saet di 12:25 û 16:45’an de Girê Zendûra yê herêma Metînayê bi balafirên şer hate bombekirin.”
19’ê gulanê saet di navbera 22:00-00:00’an de qada Koordîne û Derarê yên herêma Metînayê bi helîkopterên êrişê hatin bombekirin. Heman saetê bi helîkopterên Skorsky dagirker li Girê Azad hatin danîn.
19’ê gulanê saet di navbera 23:00-03:00’an de gundên Nêrwe û Kinyanîşê, Girê Şehîd Serxwebûn ên herêma Zapê bi helîkopteran hatin bombekirin. Heman saetê helîkopterên Skosky dagirker danîn ser Girê Şehîd Serxwebûn.
19’ê gulanê saet di 12:40’î de qada Werxelê ya herêma Avaşînê bi balafirên şer hate bombekirin.
19’ê gulanê saet di navbera 20:00-22:10’an de qada Mamreşo ya herêma Avaşînê bi helîkopterên êrişê hate bombekirin.
Ji ber vê bombardûmanê tiştek bi hêzên me nehatiye.” BEHDÎNAN
