Meşên ji bo piştgiriya Leyla Guvenê didomin. Parlamenterên ku di baskê meşê yê Serhedê de cih digirin, tevî hemû astengiyên hêzên dewleta tirk, ber bi Amedê ve dimeşin
Meşa ku ji bo piştgiriya hevseroka KCD’ê û parlamentera HDP’ê Leyla Guven a 99 roj in ji bo şikandina tecrîda li ser Rêberê Gelê Kurd Abdullah Ocalan di greva birçîbûnê de ye, bi dirûşma, “Di roja 100’î de em bi Leylayê re tecrîdê bişkînin” ji 15 navendên cuda û bi 7 baskan ber bi Amedê ve ketin rê. Meşa destpêkirî, tevî hemû astengiyên polîsên tirk didome.
Parlamenterên HDP’ê yên Colemêrg, Agirî, Wan û Îdîrê dest bi meşê kirine, danê vê sibê ji navenda navçeya Tetwanê ber bi Bedlîsê ve ketin rê.
Meşa baskê Botanê ya duh ji Şirnexê dest pê kir û îro li Nisêbîn dê berdewam bikirana rastî astengiya polîsan hat. Polîsan li ber avahiya HDP’a Nisêbînê dor li parlementerên HDP’ê Hasan Ozguneş, Huseyîn Kaçmaz, Nuran Îmîr, Pero Dundar, Ebru Gunay û Tuma Çelîk girt. Polîsan parlamenter derp kirin. Parlamenterên HDP’ê jî bi israr in ku bimeşin Amedê.
Li Aliyê din meşa ji bajarên din jî hatibû destpêkirin didome. AMED
