Çapemenîya almanan weçînîyayîşê Erdoganî ercna û îfade kerd ke Erdogan do xetêka nerme de nêşoro.
Frankfurter Rundschau de analîzêk weşanîya. Analîz de ame vatene ke Erdogan wazeno atmosferê nîjadperest û îslamî derbazê weçînayîşanê 2024î zî bikero. Analîz de bale ameye antene ser ke Erdoganî kampanyaya xo ya weçînayîşî de çareserîya meseleyan ser de nêvinderto şovenîzm kerdo. Analîz de ame vatene ke Erdogan weçînayîşanê 2024î de wazeno Anqara û Îstanbul bivisno destî la rixmê net zî atmosferê nikayênî rê dewam keno.
Rojnamegerê Stuttgarter Nachrichtenî zî pare kerd ke Erdogan eşkeno polîtîkayanê hîna tedakeran bîyaro ca, Ewropa zî beno ke tewirê xo yê vera Qatar û Arabîstana Suûdî bimojno Tirkîya. Analîz de wina ame vatene: ”Êyê ke pabeyê ke Erdogan serkewtişê weçînayîşî ra dima nerm bibo beno ke bişikîyê.”
Analîzê Pforzheimer Zeitungî de zî ame vatene ke dîyalogê mabênê Yewîya Ewropa û Tirkîya ganî hînî biqedê. Analîz wina dewam keno: ”Erdogan do otokrasî welat de vila bikero û polîtîkaya ekonomî ya şaşe ra anêgêro. Rixmê ney zî şaş o ke Lîderê Partîya Şarî ya Ewropa Manfred Weberî seba qedînayîşê dîyaloganê bi Tirkîya venga Yewîya Ewrpa dayo. Eke wina bibo Tirkîya nêzdîyê Rûsya bena û Ewropa ra dûrî şina.”
