Goreyê Rojnameyê De Standatî sereştişê polîsan ê vera çapemenîya kurdan bi waştişê Fransa ameyî kedene.
Rojnameyê De Standartî vist vîrî ke polîsan Denderleeuwê Belçika de eşt studyoyanê televîzyonanê kurdan ser û vat sereştişî bi waştişê Fransa ameyî kerdene ke xebere hetê dozgerî ra ameye tesdîqkerdene.
Rojname de ca dîya îfadeyanê Orhan Kiliçî zî ke xebatkarê komeleya kurdan Navbelî yo. Kiliçî vat, “Belçika kena ke televîzyonanê kurdan krîmînalîze bikero. No sereştiş pabesteyê dewleta tirke yo. Xora Tirkîya de zî ewo rojnamegerê xoserî yê kurdan ameyî destbendkerdene.”
Rojnameyî xebera xo de ca eşkerayîya ke ewro hetê Medya Haber TV û Stêrk TVyî ra ameye dayene.
Fransa aşmanê peyênan de vera kurdan zextê xo yê keyfî û îlegalî zêdînayî. Destê hîrê kurdan girêdayî û bi hewayêkê korsanvarî teslîmê Tirkîya kerdî. Hîrê heme kurdî zî ameyî tepiştene. Mîyanê înan de multecîyî bibî ke derheqê înan de qerarê tebersînorkerdişî çînêbi.
Gama ke Belçik de vera medyaya kurdan sereştiş ame kerdene polîsanê Fransa Drancyê Parisî de eşt Merkezê Komelê Demokratîkî yê Kurdan ser û 6 kesî destbend kerdî.
