Çar hetê Serêkanîyê de mabenê şervananê HSDyî û hêzê dagirkeran de şerêko giran virazîyeno. Ame zanayene ke şer de xeylê çete û leşkerî ameyî kiştene û xebetnayîşê çekanê qedexeyan vera rewşa sivîlan tehluke de ya
Hêzê artêşa tirkî ya dagirkere û komê çeteyan yê girêdayeyê aye vera Serêkanîyê de hêrişêko giran pê anî. Ame zanayene ke hêzê dagikere çar hetê bajarî ra wazena bikewa Serêkanîyê û hêrişan de teyareyê şer, topê hewan, obus, fuzeyê katyûşa û xeylê çekanê giranan û qedexeyan xebetnena.
Goreyê malumatan artêşa tirkî ya dagirkere û çeteyê girêdayeyê aye Serêkanîyê de berê sînor, taxa Meheta, Sînaa û rayîrê pêroyî yê bajarî ra hewl dana ke bikewa bajarî. Ame tesdîqkerdene ke çar cepheyan de zî şerêko giran qewimîyeno û dewleta tirkî nê herêman bêmaben bombardûman û topvaran kena.
Çimeyê herême dayî zanayene ke şervanê HSDyî cewabanê girdan danî hêzê dagirkeran ro. Çimeyê xeberan dîyar kerdî ke cewabanê girdan yê şervananê HSDyî de heta nika xeylê çete û leşkerî ameyî kiştene. Eynî wext de teyareyê artêşa tirkî ya dagirkere bi koordîneyanê teyareyê keşfî bajar bombardûman kena.
Ame zanayene ke xebetnayîşê çekanê qedexeyan vera rewşa xeylê sivîlan tehluke de ya. SERÊKANIYÊ
