Rewşa tenduristiya Leyla Guven ku ev 61 roj in di greva birçîbûnê de ye gihîştiye asta herî krîtîk. Hat diyar kirin ku ji ber rewşa tenduristiyê ev çar roj in Guven nikare derkeve hevdîtina bi parêzerên xwe re
Çalakiya greva birçîbûnê ya bêdem û bêdorveger ku hevseroka KCD û parlamentera HDP’ê ya Colemêrgê Leyla Guven ji bo rakirina tecrîda li ser Rêberê Gelê Kurd Abdullah Ocalan daye destpêkirin ket roja 61’emîn. Duh ji ber çalakiya Guven a roja 60’emîn li ser tora civakî bi etîketa #LeylaGüvenİçin (Ji bo Leyla Guven) kampanya hat destpêkirin.
Têkildarî rewşa tenduristiya Guven de hat gotin ku rewşa wê gihîştiye asteke gelek krîtîk. Hat diyarkirin ku Guven di nav 10 rojan de tenê hevdîtinên kurt kiriye û hat ragihandin ku ev çar roj in jî ji ber pirsgirêkên tenduristiyê nikare derkeve hevdîtina bi parêzerên xwe re. AMED
