Hêrîşê ke dewleta tirkî 17ê nîsane de bi paştîdayîşê Partîya Demokratîke ya Kurdîstanî (PDK) vera herêmanê Zap, Metîna û Avaşîn yê Herêmanê Kurdistanî daya destpêkerdiş, seba artêşa tirkî açarîya sendromêk. Tirkîya sînor ser ora gamêk aver nêşina û coka ra herême de krîzêk esto. Qorîcîyê ke tewrê hêrîşan benê, dîyar kerdî ke Zapê de şerêko giran qewimîyeno û xylê leşkeri şer de yenê kiştiş û mergê înan rayaumumî ra yeno nimitiş.
Qorîcîyo ke qisey kerd vat: “23 nîsane de merkeze Şirnex û qezayê ci Qileban, Elkê, Silopya, Cizîr, Hezex û Basayî ra nizdîyê 10 hezar qorîcîyî dor bi dor tewrê hêrîşan yenê kerdiş. Rojêk verê şîyayîşê hêrîşan, xeber dîyeno ma. Pê traktoran ma benê xeta sînor. Xeta sînor ser de zî çawişê pispor ma danî vernî û cigêrayîşê arazî bi ma virazenê. No semed ra timî mabenê ma de munaqeşe virazîyenê.”
Qorîcî tewr peynî ard ziwan ke şerê giran vera psîkolojîyê çawişanê pisporan xira bîyo. Qorîcî vat ke qaşo seba çareserî vejîyenê destur labelê tepîya nêagêrenê û îstîfa kenê.
