Qezaya Qubînî ya Êlihî de cinîya ciwane ya bi nameyê Î.P.ye ya 18 serrî ke yeno vatene çawişo pispor M.O.yî tecawizê aye kerdo, çiftêk gule ver da xo û waşte ke xo bikişa. Hedîse ra dima Î.P.ye ewilî wedarîyaye Nêweşxaneyê Dewlete yê Qubînî û dima ra wedarîyaye nêweşxaneyêk taybet yê Êlihî. Yeno vatene ke cuya Î.P.ye tehluke de ya.
Şûbeyê Êlihî yê Komeleya Heqê Merdiman (ÎHD) û Baroya Êlihî dayî zanayene ke ê hedîse nizdîra taqîp kenî. Şûbeyê ÎHDyî yê Êlihî û Baroya Êlihî dayî zanayene ke çawişo pispor ke tecawizê cinîya ciwane ya 18 serrî kerd, hetê Serdozgerîya Komarî ya Sêrtî ra ameyo destbendkerdene. ÊLIH
