Walîyê Dêrsimî Tûncay Sonelî va: “Çimeyê Munzurî yê ke seba elewîyan mekanê pîroz ê do tûrîzmî rê bêrê akerdene.”
Hetê walîyê Dêrsimî Tûncay Sonelî ra ame eşkerakerdene ke projeyê seba ‘qezenckerdişê tûrîzmî’ yê Çimeyanê Munzurî yê ke hetê şarê qezaya Pulurî ya Dêrsimî ra sey pîroz yenê qebûlkerdene hetê Heyetê Herêmî yê Pawitişê Estbîyayîşanê Kulturîyan ê Erziromî ra ameyo tesdîqkerdene.
Sonelî va: “Projeyê ‘qezenckerdişê’ bi tûrîzmî yê Çimeyanê Munzurî yê ke wareyê sîtî yê qezaya Pulurî ya Dêrsimî de yê ameyo tesdîqkerdene û xebatî dest pêkerdê.”
Çimeyê Munzurî yê ke seba elewîyan pîrozê û bi asayîşê xo yê xozayîyî merdiman ancenê xo, very zî bi projeyê cemxaneyî amebi rojdem. Ancax STOyê ke Dêrsim de yê, partîyanê sîyasîyan û şarî seba bicanêameyîşê projeyî û nêviraştişê tu çîyêk reaksîyonêko cidî dabi. DÊRSIM
