Li gorî anketeke ku li Almanyayê hate kirin, partiyên desthilatê yên Almanyayê CDU û SPD’ê ji bo hilbijartinên PE’yê dengê xwe kêm dikin û Partiya Keskan jî dengê xwe zêde dike
Li welatên endamên Yekitiya Ewropayê (YE) ji bo Parlamentoya Ewropayê (PE) dê di 26’ê gulanê de hilbijartin pêk bên û gel biçe ser sindoqan. Di vê çarçoveyê de xebatên partiyan ên ji bo hilbijartinê didomin. Her wiha ji bo bandora van xebatên partiyan ên li ser gel jî anket tên kirin.
Li gorî anketeke li Almanyayê hatiye kirin partiyên desthilatdariyê Yekitiya Xiristiyanên Demokrat (CDU) û Partiya Demokratên Sosyal (SPD) dê dîsa weke hilbijartina ku di îlona 2017’an pêk hat de dîsa rêjeya dengên xwe kêm bikin.
Li gorî encamên anketê herî zêde jî SPD dengên xwe winda dike. Li gorî hilbijartinên 2014’an dê SPD ji sedî 12’ê dengê xwe kêm bike. Partiya serokwezîr Angela Merkel CDU û partiya nêzî wê CSU jî ji sedî 5’ê dengên xwe winda kirine.
Balkêş e li gorî anketê partiya ku rêjeya dengê xwe zêde bike Partiya Keskan e. Li gorî pêşdîtinan partiya Keskan dê dengê xwe ji sedî 6’an derxe ji sedî 17’an û hejmareke zêde nûner bişîne PE’yê. BERLÎN
