Seroka partiya desthilatê ya Almanyayê ya CDU’yê Annegret Kramp-Karrenbauer biryara betalkirina hilbijartina Stenbolê rexne kir û peyam da ku di hilbijartina 23’yê hezîranê de destekê bidin muxalefetê
Partiya Serokwezîra Almanyayê Yekîtiya Demokratên Xiristiyan (CDU) ji partiyên muxalîf ên welêt rol dizî û dest bi dijberiya AKP’ê kir. Seroka Giştî ya CDU’yê Annegret Kramp-Karrenbauer hevkariya Hikûmeta Almanyaya Federal a leşkerî, siyasî, aborî ya bi rejîma Erdogan re ji bîr kir û cara pêşî li dijî AKP’ê axivî.
Seroka CDU’yê li Duîsbûrgê di mîtîngê de ya ji bo Parlamentoya Ewropayê axivî û wiha got: “Tevlêbûna li hilbijartina PE’yê her wiha tê maneya desteka li muxalefeta Tirkiyeyê ye. Welatiyên Stenbolê bi hilbijartina şaredarê xwe wê hewl bidin ku ji siyaseta Erdogan re bibêjin, na.”
Têkçû hilbijartin betal kir
Lîdera CDU’yê têkilî di navbeyna hilbijartinên PE’yê yê ku wê 26’ê gulanê bibin û ya hilbijartina Stenbolê ku 23’yê hezîranê wê bibin, danî û wiha got: “26’ê gulanê tevlêbûn zêde be, ev ê were maneya desteka li muxalefeta Tirkiyeyê ku zextê û zordarî li ser wan heye û her wiha azadiya wan hatiye sînordarkirin.” Kramp Karrenbauer bi van gotinan bi vê peyamê rasterast diyar kir ku di hilbijartina Stenbolê de ew ê destekê bidin partiyên muxalefetê û wiha got: “Ji bo ku encamên hilbijartina Stenbolê ne bi dilê Erdogan bûn demokrasî tine hate hesibandin û biryar li ser betalkirina hilbijartinê hate dayin.’ DUÎSBÛRG
