Taxa Bagivarî ya qezaya Sûrî ya Amedî de 3 wendekarê lîseyî ke vizêr kewtî Çemê Dîcle û tede xeniqîyayî cenazayê înan ameyî dîyene.
Dîya zanayene ke cenazayî aîdê Osman Yetîşgîn, Enes Can û Yunus Vural ê. Hîrê ciwanî wendekarê sinifa 10. ya Lîseyê Fenî yê Valî Aydin Arslanî bî. Cenazayî wedarîyayî Dezgehê Tipê Edlîyî yê Amedî.
Ame parekerdene ke Enes Can Şirnex de, Osman Yetîşgîn qezaya Farqîn de û Yunus Vural zî qezaya Nisêbînî ya Mêrdînî de ciwîyayêne. Otopsî ra dima cenazayî do bierşawîyê şaristanê wendekaran.
