Li Erdexanê HES’ên ku tên çêkirin zirarê didin xwezaya bajêr. Bendavên ku li navçeya Posof, Xanek û Çildarê hatine çêkirin bûne sedema zuhabûna çemê Kurayê
Li Tirkiyeyê heta niha bi hezaran bendav û santralên hidroelektrikê hatine çêkirin. Li gel çêkirina bendav û santralên hîdroelektirîkê xweza di talûkeyê de ye û ber bi mirinê ve diçe.
Li Erdexanê bendav û HES’ên ku li navçeyên Posof, Xanek û Çildarê hatine çêkirin bûne sedema zûhabûna çemê Kurayê. Ava çem her roj kêm dibe. Çemê ku bi salan bû gur diherikî niha zuha bûye û ava wî gelek kêm diherike. Li gel çêkirina bendavan ji hêla Çoruhê ve çem hate zivirandin. Zivirandina rêya avê ya çem dibe sedema nîqaş û bertekan. Çemê Kura ji çiyayên Allahûekber û Yanlizçam de diherike Erdexanê. Li gel çêkirina bendavan bajar bê av dimîne.
Di salên berê de bendavên ku li navçeya Xanekê gundê Çatê hatine çêkirin bûne sedema bertekan û ji ber çêkirina bendavan li gund gelek welatî koçber bûn û nêçar man. Gundiyan têkîldarî çêkirina HES’an de der barê fîrmaya li Stenbolê doz vekirin. Doza ku 1’ê adarê sala 2018’an hatibû dîtin taloqî 3’yê tîrmehê hatibû kirin û doz bê encam ma. Gundiyên ku bêmal û war man di bin şert û mercên herî zehmet de jiyana xwe domandin.
Êdî çem namînin
Li Tirkiyeyê heta niha hezar û 527 projeyên HES’an hatine çêkirin û heta nihya ji van 477’ên wan yan hatine qedandin û yan jî li ber qedandinê ne. Hêza van santralên 23 hezar û 660 e. Li gorî vê hejmarê li Tirkiyeyê çemên ku biherikin dê nemînin. ERDEXAN
Çavkanî: Jinnews/Zeynep Durgut
