Seba elewîya menganê Xizirî dest pêkerd. Cemxaneyê Duzgun Babayî bernameyê Xizirî eşkera kerd.
Goreyê bernameyî 4ê sibate saete 11.00 de şar do Cemxaneyê Duzgun Babayî de bêro pêser û şoro Duzgun Baba. Dima zî çilayî do bêrê tavisnayene, gulbanî do bêrê dayene û loqma, qurban, kautê Xizirî do bêrê vilakerdene.
Cemxaneyê Duzgun Babayî eşkerayîya xo de ard ziwan ke Xizir bawerîya Raya Heqîye de wayîrê cayêkê taybetî yo. Cemxaneyî vat: ”Rayîrê ma rayîrê riza û îqrarî yo. Bawerîya Xizirî raştîya îtîqad, kultur û cuye ya. Ma pê aqlê Xizirî na menge paştî bidê yewbînan.” DÊRSIM
