Vizêr saetanê nêmrojî de dewleta tirke ya îşxalkere bi teyareya bêînsan a biçeke, dewa Behrava de ke girêdayîya Komelgeha Xanesorê ya, hêrîşê wesayîtêkê Yewîyanê Xoverdayîşê Şingalî (YBŞ) kerd û 2 fermandarê YBŞyî şehîd bîyî şerwanêk zî birîndar bî.
Fermandar û şerwananê YBŞyî ke seba şînî şêrê dewa Behrava de serweşîye biwazê, agêrayîşî de înan rê hêrîş ame kerdene. Ê kesan ra yew Fermandarê YBŞyî Xêrî Xidir Xelef bi nameyê qodî Agir Cefrî yo ke bi xo şarê Komelgeha Xanesorî yo.
Agir Cefrî zî serra 2014î de bibi şahîdê fermanê 74inî. Qirkerdişê ke ameyê şarê êzîdîyan ser o, tesîrê xo zaf ey beno. Fermandar Adirî seba xelisnayîşê Şingalî heta peynîya hilmê xo bi fedakarîyêka girde rayberîye kerde. O hem karê xo de hem zî cuya xo de her tim bi coş û bi moral bî. Mîyanê embazanê xo de zaf ameyêne heskerdene.
Agir keyeyêkê welatperwerî ra yo ke wayîrê şehîdî yo. Birayê Agirî, Hecî Xidir Xeler zî rîyê hêrîşê dewleta tirke ra 2021î de şehîd bibi. Cenazaya Fermandar Agirî bi seyan kesan goreyê orf edetê êzîdîyan, Goristanê Şexşemisî de, kişta birayê ey de ameyê definkerdene. ŞINGAL
