Bi seyan hemwelatîyê qezaya Girkê Legê û Til Koçerî yê kantonê Qamişloye cenazaya şehîd Ehmed Ebas Mitêran (Udey Cinêdiye) ke şervanê Hêzê Sûrîyeya Demokratîke (HSD) bî, Raşteyê Azadîye ra girewt û ver bi Goristanê Şehîd Îqab El Eswed yê Til Koçerî ra şî.
Goristan de fermandarê HSDyî Mihyedîn Xêrika qisey kerd û vat: “HSD destpêkerdişê awanbîyayîşê xo ra nata vera heme komanê terorîstan yê bi nameyanê cîyayan ke dewletê zilimkar nêeşkeyî vera înan de vinderî, şer kerd. Domanê na herême teror çinî kerd.”
Mihyedîn Xêrikî sundê pawitişê şarî û mîsogerkerdişê asayîşî da.
Endamê Meclîsê Keyeyê Şehîdan yê Girkê Legê Şêxe Resul zî qisey kerd û têkoşînê şêhîdan yê seba daîmîkerdişê asayîşî û îstiqrarê herême kerd.
Tewr peynî kamîya şehîd ame wendiş û teslîmê keyeyî ame kerdiş. Cenazaya şehîd bi berzkerdişê siloganan ame definkerdiş. QAMIŞLO
