Taca Barahî ya qezaya Licê ya Amedî de mezrayanê Hemza û Antîxanî de 3yê hezîrane de artêşa tirke ya îşxalkere operasyonêk dabi destpêkerdene. Nê operasyonî de gerîlayî Vedat Ayhan (Mahsun Hêşetî) û Dîlan Gokalp (Zîne Amed) şehîd bibî. Cenazayê înan zî erşawîyabî Dezgehê Tipê Edlîyî.
Keyeyanê gerîlayan cenazayê xo girewtî. Cenazaya Ayhanî ameye berdene bi dewa Hêşetî ya qezaya Xisxêrî ya Sêrtî. Cenaza hetê xeylêk kesan ra ameye pêşwazîkerdene û ameye definkerdene.
Cenazaya gerîlaya YJA-Starî Dîlane Gokalp zî Goristanê TOKÎ yê taxa Şentepe yê Bismilî de binê ablûqaya polîsan de ameye definkerdene.
Dîya zanayene ke Dezgehê Tipê Edlîyî de cenazayêka bîne est a la nasnameyê ci nêzanîyeno.
