Armîta Girawende 1ê Teşrîna Verêne de metroyê Tehranî yê Îranî de wexto ke şîyêne mekteb semedo ke goreyê rejîmî sereyê xo nêgirewta hetê polîsan ra ameye kuyayîş û îşkenceyê polîsan ra dima kewtbî koma. Armîta aye roje ra nata Nêweşxaneyê Fecirî yê Tehranî de têkoşînê cuye dayêne û vizêr dimayê têkoşînê 28 rojan dinyaya xo bedilna.
Keyeyê Armîta waşt ke cenazeya kênaya xo bigêro û bera Kirmanşan de defin bikero la selahîyetdarê Îranî rayîr nêdayî definkerdişê Armîta. Her çend ke definkerdişê Armîta yê bi komî bêro astengkerdiş zî cenazeya aye Goristanê Beheştê Zera yê Tehranî de bi girseyî ameye definkerdiş.
8 kesî ameyî destbendkerdiş
Ame zanayîş cenazeya Armîtaye binê abluqaya polîsan de ameye definkerdiş û 8 kesê ke tewrê merasîmê cenazeye bîyî dimayê merasîmî ameyî destbendkerdiş.
