Cenazeya Ayten Kayaya ke yeno îdîakerdene ke qezaya Gêlî ya Amedî de xo kişta, ameye definkerdene
Ame îdîakerdene ke dewa Basrasî ya qezaya Gêlî ya Amedî de dayîka 7 domanan Ayten Kayaya 35 serrî cuya xo peynî kerda. Ame zanayene ke Kayaye saetanê serê sibayî de axurê keyeyî xo aliqnaya.
Cendirmeyê ke ameyî cayê hedîse dîyar kerdî ke Kayaye cuya xo vindî kerda. Cenazeya dayîka 7 domanan Ayten Kayaye wedarîya Nêweşxaneyê Dewlete ya Gêlî û ewja ra zî seba otopsî wedarîyaye morgê Nêweşxaneyê Perwerdeyî û Cigêrayîşî yê Selahaddîn Eyyûbîyî. Badê ke keye cenaze girewt berd Goristanê Yenîkoyî yê Amedî û ewja de defin kerd.
Ame vatene ke derheqê hedîse de tehqîqat dîyayo destpêkerdene. AMED
