Cenazeya gerîlayê HPGyî Mûhammet Emîn Demîro ke Geverê Colemêrgî de şehîd kewt, rixmê heme muracatanê keyeyê ci 35 rojî yo nêdîyena ci
Gerîlayê HPGyî Mûhammet Emîn Demîr ( Denîz Agirbaz) yo ke 11ê Tebaxe de qezaya Geverî ya Colemêrgî de şehîd kewt, cenazeya ci rixmê heme muracatanê keyeyê ci nêdîyena ci.
Rixmo ke keyeyê Demîro ke qezaya Bismilî ya Amedî ronişeno cenazaya lejê xo teşhîs kerde û semedê testê DNA Nêweşxanyê Dewlete yê Colemêrgî de gonî daye, cenaza ci nêna dayene. Babî Mûrat Demîrî vat ke heme hewldayîşê înan bênetîce mendî û ê raştê hêrişê psîkolojîk ameyî. Demîrî vat 35 rojî serê mergê lajê ey ra ravêrtî û 4 reyî semedê girewtişê cenaze şîyê Colemêrg, la înan hema cenazeya xo nêgirewta. Demîrî vera nê qewîmîyayîşanê teberê merdimîye razînêbîyayîş ramot û vat: “Destûr nêdanê selaya domananê Kuran bêro wendene, tazîyeya înan bêre ronayene û camî de bêrê şutene. Camîyê nê welatî yê ma hemeyan ê. Camî keyeyê Hûma yo.”
Demîrî qiseykerdişê xo wina qedîna: “Wa şer biqedîyo û babîyî domananê xo defin nêkerê. Wa haştîye bêro û domanî memirê. Şarê ma ganî yew bo vera nê neheqîyan xover bibo.” AMED
