Cenazeya Hazal Aslana ke wextê qedexeyê tebervejîyayîşê de kewtîbî cêrzemînan û bi vêşnayîş amebî qetilkerdene, badê 40 aşman ameye definkerdene
Cenazeyê kesanê ke wextê qedexeyê tebervejîyayîşî yê ke 14ê Kanûne 2015î de ameybî îlankerdene û 79 dewam kerdibi de cuya xo vîndî kerda, hîna goristananê bêkesan de yenê vindernayene.
Wextê hêrişanê ke sey ‘Cêrzemînê hovîtî’ yenê zanayene û bi seyan kesî tede bi vêşnayîş ameyî kiştene de, cenazeya Hazal Aslana ke endama YPSyî ya û 16ê Şibate 2016î cuya xo vîndî kerda, badê 40 aşman ameye teşhîskerdene. Dimayê qedexeyê tebervejîyayîşê muracatkerdiş keyeyê Aslane bi Serdozgerîya Komare ya Cizîrî ra 40 aşman ra tepîya, ame zanayene ke cenazeya Aslane goristanê bêkesan ê Riha de ya. Badê teşhîskerdişê cenazeya Aslane keyeyê ci ver Wanî kewt rayîr. Cenazeya Aslane goristanê taxa Yenî ya Wanî de ameye definkerdene. ŞIRNEX
