Demê vîyarte de Şengal de gorê komî amebî akerdiş û seba dîyarkerdişê nasnameyê înan, xebate amebî rayraberdiş. Vizêr sazgehê tibê edlî yê Bexdayî venga keyeyê qurbaniyê destê DAIŞî de yê kerd ke cenazeyê 39 kesê hetê DAIŞî ra amebî qetilkerdiş ke gorê komî amebî vetiş û nasnameyê înan amebî dîyarkerdiş, bêgîrê.
Her 39 cenazeyê ke nasnameyê înan ameyî dîyarkerdiş, Bexdayî de berdîyayî Şengal. Cenaze bi tewrbîyayîşê seyan kesî, seytereya Em Şibabîk ya mabêne Telehfer û Şengalî de, bi merasîmêk goreyê kulturê Êzidijan ameyî girewtiş.
Cenazeyî dima ra teslîmê keyeyan ameyî kerdiş û do her keyeyêk cenazeyê xo goristanê xo yê keyeyî yê Şengalî de defin bikero.
