Cenazeyê Yonca Akici ku bi armanca şermezarkirina tecrîda li ser Rêberê Gelê Kurd Abdullah Ocalan, li girtîgeha Şakranê çalakiya fedayî pêk anî û şehîd bû, li navçeya Dutax a Agiriyê hat veşartin
Yonca Akici ya li Girtîgeha Jinan a navçeya Şakrana Îzmîrê li dijî tecrîdkirina Rêberê Gelê Kurd Abdullah Ocalan çalakiya fedayî pêk anîbû, li gundê Burnîbulakê ya girêdayî Navçeya Dutaxê ya Agiriyê hat veşartin. Akici, di 1’ê nîsanê de çalakiya fedayî pêk anîbû û şehîd bibû. Malbatê cenazeyê keça xwe Akici, ji Saziya Tiba Edlî ya Îzmîrê wergirt û bi balafirê birin Balafirgeha Erziromê û ji vir jî bi rêya bejahihyê birin gund.
Malbatê cenaze nîvê şevê li gundê Burnîbulakê di bin dorpêça leşkerên tirk de li goristana gund veşart. Leşkeran tenê destûr dan çend endamên malbatê ku merasîma veşartinê pêk bîne.
Akici, 4 sal bûn ku bi îdaya “Endamtiya rêxistinê” girtî bû. Ji 1’ê Adarê vir ve li Girtîgeha Jinan a Şakranê li dijî tecrîdkirina Ocalan di greva birçîbûnê de bû. Akici di 29’ê adarê de çalakiya fedayî pêk anîbû û bi giranî birîndar bibû, rakiribûn nexweşxaneya Çiglî. Akici, di roja 1’ê nîsanê de şehîd bû. AGIRÎ
