Cenazeyê gerîlayê HGP’ê Mûsa Çetîner ê li Dêrsimê di bombebaranê de şehîd bûbû piştî 10 mehan li Siwêregê hat veşartin
Gerîlayê HPG’ê Mûsa Çetîner beriya bi 10 mehan ango di tîrmeha 2018’an de li Dêrsimê di êrîşa bombebaranî ya dewleta tirk de şehîd bûbû. Tevî hemû hewldanên malbatê jî cenazeyê Çetîner nehat dayîn û li Goristana Bêkesan a Meletiyê hatibû definkirin. Piştî testa DNA’yê ya malbatê ku li cenaze hat, malbat çû cenazeyê Çetîner wergirt û birin navçeya Siwêrega Rihayê ya lê ji dayik bûye. Malbata Çetîner 10 mehan li benda encama DNA’yê sekinî bû.
Wekî cenazeyên di demên dawî de yên ciwanên kurd ku li dijî tecrîdkirina Rêberê Gelê Kurd Abdullah Ocalan çalakiyên canbexşane pêk anîbûn dewleta tirk destûr nedan ku cenazeyê Çetîner jî li gor merasîmên olî û civakî were definkirin. Polîsan destûr neda malbatê cenaze bi roj were definkirin. Malbatê di bin dorpêça polîsan de di saetên şevê de cenaze veşart. Polîsan tenê destûra malbatê da ku beşdarî merasîma cenaze bibe.
Serdanên sersaxiya ji bo Çetîner li mala wan a li Siwêregê tê qebûlkirin. RIHA
