Malbata Denîz Poyraz a li Îzmîrê di êrîşa ser HDP’ê de hat qetilkirin, xizm û partiyî ji bo cenaze bigirin hatin Miduriyeta Goristanan a li Taxa Tepecîk a li navçeya Konak Îzmîrê. Malbatê li ser darbesta Poyraz ku wecibeyên wê yên olî hatin bi cih, lorand.
Dayik Fehîme Poyraz a li pêş Miduriyeta Goristanê lorand, wiha got: “Çi îşkence bi keça min dabe kişandin, Xwedê bi wî jî bide kişandin. Çawa dilê min şewitî be bila dilê dayika wî jî bişewite. Min tu car nifir li kesê nekirine lê dilê min şewitî, bila dilê dayika wî jî bişewite. Denîz namirin, Denîz çû, wê bi hezaran Denîz werin. Çi kêfxweş im ku dayika Denîzê me. Ew qas îşkence li jineke tê kirin? Faşîst. Çi heqê te li ser keça min hebû. Xwedê bela xwe bide te, înşelah tu derman nebînî.”
Jinan darbesta Poyraz a ji Miduriyeta Goristanê girtin, bi tilîlî û çepikan birin mala wê ya Taxa Bagkûyûyê. Cenazeyê Poyrazê wê piştî merasîma di saet 17.00’an de li Mizgefta Kadîfekaleyê pêk were dê li Goristana Kaynaklar a Bûcayê were veşartin. ÎZMÎR
