Cenazeyê Ferat Şimdî yê ku hat ragihandin ji bo di serdegirtina polîsan a ser malê de ya li Artûklûyê nekeve destan dawî li jiyana xwe aniye, hat veşartin
Duh di saetên sibê de li taxa Îstasyonê ya Artûklû ya Mêrdînê polîsên tîmên taybet avêtin ser malbata, Ferat Şimdî. Li gorî agahiyên ku hatibûn bidestxistin Ferhat Şîmdî HPG’î ye û di 27 îlonê de li navçeya Dêrikê di pevçûnekê de birîndar bûye. Piştî serdegirtina polîsan hat gotin ku Ferat Şîmdî ji bo nekeve destên polîsan dawî li jiyana xwe anî ye. Lê belê li gorî ferdên malbatê dibêjin piştî ku polîsan ew ji malê derxistine dengê 3 guleyan hatiye. Ev yek jî îhtimala înfazkirina Şîmdî zêde dike.
Cenazeyê Şimdî ê piştî karûbarên li Nexweşxaneya Dewletê ya Mêrdînê bidawî bû û şûnde ji aliyê xizmên malbatê ve hate girtin. Cenazeyê Şidmî li goristana Taxa Îstasyonê hate veşartin. Hêzên dewletê destûr nedan ku ji derveyî ferdên malbatê kes tevli merasîma cenaze bibin. Konê sersaxiyê li mala Şimdî hatiye danîn.
Qeyûmê ji bo şaredariya Mêrdînê hatibû tayînkirin ji bo cenaze wesayîta cenaze nedan malbatê. MÊRDÎN
