Keyeyê endamanê HPGyî yê Ramazan Gurkan û Ramazan Ugurlayanî ke 9ê Hezîrane de qezaya Farqînî ya Amedî de pêkewtişêk de cuya xo vindî kerdbî, Nêweşxaneyê Cigêrayîş û Perwerdeyî yê Gazî Yaşargîlî ra cenazeyanê domananê xo girewtî. Ame zanayene ke keyeyê Ugulayanî cenazeya lajê xo qezaya Bismilî de defin kerd û cenazeya Gurkanî zî do dewa Xizginosî ya qezaya Dara Hênê ya Çewlîgî de bêra definkerdene. AMED
