Cenazeyên gerîlayên YJA Starê Menfiya Çelîk (Dîcle Amed) û Habîbe Karakuş (Kînem Amed) ku li Dêrsimê jiyana xwe ji dest dabûn li goristana Yenîkoy ya Amedê ji aliyê malbatan hatin definkirin
Li gorî îdiayên çapemeniya tirk li Dêrsimê 5 gerîlayên YJA Starê di pevçûnekê de jiyana xwe ji dest dan. Li gorî îdiayan navê gerîlayên ku jiyana xwe ji dest dane wiha ne; Menfiya Çelîk (Dîcle Amed), Fatma Ozgun (Nûda Herekol), Mîhrîban Durmaz (Berfîn Ararat), Ceyda Sarikaya (Havîn Mûş) û Habîbe Karakuş (Kînem Amed).
Piştî ku cenaze şandina Meletiyê û malbat ji bo cenazeyên zarokên xwe bigirin çûn Meletiyê. Li Meletiyê, piştî serdana malbatan cenazeyên Menfiya Çelîk û Habîbe Karakuş hatin wergirtin û anîn Amedê. Cenazeyên Çelîk, Karakuş duh şev li goristana Yenîkoy ya Amedê bi tevlêbûna malbatan hat definkirin.
Beriya merasîma cenaze polîsan derdora goristana Yenîkoyê dorpêç kirin û nehiştin kesek tevli merasîma cenaze bibe. Ji her malbatê tenê destur dan 5-6 kesan ku beşdarî merasîma definkirina cenaze bibin.
Ji bo Menfiya Çelîk li Sîlvanlilar Yasevî û ji bo Habîbe Karakuş jî li Seyrantepe Dortyuzevler Yasevî sersaxî tên qebûlkirin. AMED
