Cereyan se ra 15 ame zemkerdene. Goreyê tarîfeya newe seba 100 kWh cereyanî do 62 TL bêro dayene. Tîya ver zî zem ameybî motorîn, çay û şekerî zî
Heyetê Sererastkerdişê Piyaseyê Enerjî (EPDK) kombîyayîşê vizêrin de qeraro ke hem bi mîlyonan aboneyanê cereyanî û hem zî Şîrketê Anonîmî yê Berardişê Cereyanî (EUAŞ) eleqedar keno, da. Heyet da zanayene ke cereyan se ra 15 ameyo zemkerdene û zem do 1ê temmuze ra nata derbazdar bibo. Goreyê tarîfeya newe seba 100 kWh cereyanî do 62 TL bêro dayene. Tîya ver zî zem ameybî motorîn, çay û şekerî zî. Badê weçînayîşê Stenbolî çend rojî ver zî çay se ra 15 û şekir zî se ra 16 ameybî zemkerdene. Motorîn zî 23 quriş ameybî zemkerdene. 30ê hezîrane ra nata peynîbîyayîşê wextê kewtişê OTVyî vera mobîlyo û haletanê sipîyan de zî zem virazîyayî. ANQARA
