Komên çete yên Ehrar El Şerqiyeyê ku girêdayî dewleta tirk in, li Girê Spî ciwanekê 20 salî revand û ji bo berdana wî jî 5 milyon lîreyên Sûriyeyê ji malbata wî xwestin
Komên çete yên girêdayî dewleta tirk binpêkirinên xwe yên li rojavayê Kurdistanê didomînin. Komên çete yên ku heta niha li herêmê bi dehan sûcên şer kirin, mîna li Efrînê niha jî li herêmên Girê Spî û Serêkaniyê dest bi revandin, kuştin û talanê kirin.
Li gorî agahiyên ji Girê Spî, koma çete ya Ehrar El Şerqiyeyê îro di saetên serê sibehê de ciwanê bi navê Sebrî Osman (24) ji mala wî ya li gundê Til Finder ê Girê Spû revand. Çavkaniyan got ku çeteyan ji bo berdana Osman jî ji malbata wî nêzî 5 milyon lîreyên Sûriyeyê xwestine.
Hêjayî bibîrxistinê ye ku komên çete hefteya din de jî li gundê El Menqele yê Eyn Îsayê ciwanên bi navên Hesan Celal El Eyaf (16) û Abdullrehman Celal El Eyaf (18) revandibûn û li hemberî berdana wan jî 12 milyonên Sûriyeyê dixwazin. Şêniyên Girê Spî û Serêkaniyê banga derbasbûna hêzên navdewletî û komîteyên şopandina rastiya ji bo herêmên hatine dagirkirin dikin. Koçber dixwazin ku di bin garantoriya hêzên navdewletî vegerin herêmên xwe. GIRÊ SPÎ
