Komên çete yên girêdayî dewleta tirk li navçeya Şêrawa ya Efrînê ciwanê bi navê Şiyar Nezmî Hemo revand. Ji bo berdana Hemo jî komên çete ji malbata wî 15 hezar dolaran weke fîdye dixwazin
Binpêkirinên hêzên dewleta tirk û komên çete yên girêdayî wê yên li Efrînê berdewam in. Hêzên dagirker hema hema rojane şêniyên resen ên Efrînê direvînin.
Çavkaniyên ji Efrînê da zanîn ku komên çete ciwanê bi navê Şiyar Nezmî Hemo yê ji gundê Xezawiyê yê navçeya Şêrawa ya Efrînê revand. Çavkanî da zanîn ku çeteyan ji bo berdana Hemo ku duh hatiye revandin, 15 hezar dolar ji malbata wî xwestine.
Nayê zanîn bê ka çeteyan Hemo bi ku ve birine. Têkildarî rewşa Hemo jî tu agahî nehatin bidestxistin. EFRÎN
