Çeteyên dewleta tirk li Efrînê bi îmzeya serçete Mihemed Abdulmutelêb Şêx Neisan ve daxuyaniyek hat weşand û li welatên Efrînê pîroz kirina Newrozê qedexe kir
Dewleta tirk û çeteyên wê yên El Qaîde, El Nusra, DAIŞ, Ehrar El Şam û OSO’yê ku Efrîn dagir kir, zilm û zordariya xwe ya li ser gelê Efrînê didomînin. Hêzên dagirker ên ku Efrîn talan û wêran kirin, di heman demê de bi darê zorê bi sedhezaran efrînî koçber kirin û li şûna wan jî bi sedhezaran çete û malbatên wan bi cih kirin.
Hêzên dagirker ên ku bi piştgiriya çeteyên ENKS’ê ketin Efrînê, niha jî bi daxuyaniyekê pîrozkirina Newrozê ku ji hêla gelê kurd ve weke cejna neteweyî tê pîrozkirin, qedexe kir. Têkildarî mijarê komên çete li ser navê ‘Meclisa El Mihelî (Rêveberî)’ ku ji hêla dewleta tirk ve hatiye avakirin, daxuyaniyeke nivîskî weşand. Daxuyanî bi îmzeya serçeteyê vê meclisê Mihemed Abdulmutelêb Şêx Neisan ve hatiye parve kirin.
Di daxuyaniyê de serçete Şêx Neisan dibêje ku ji ber Newrozê teqez tiştekî bi navê betlanê nîne û destûr nayê dayîn ku Newroz bê pîrozkirin. EFRÎN
