Dewleta tirk a dagirker û çeteyên wê li herêmên dagirkirî, bi taybet jî li Efrînê di sûcên xwe yên binpêkirina hemû nirxên exlaqî û mirovî de berdewam dikin. Goristan jî ji kiryar û sûcên wan bê par neman.
Li gorî ku hin çavkaniyan ji ANHA’yê re ragihandiye, çeteyên Siqûr El-Şemal ên dewleta tirk a dagirker gorên miriyan li gundê Şêxorzê yê navçeya Bilbilê ya Efrînê xerab kir. Çavkaniyan da zanîn ku çeteyan kêlikên goran şikandine û goristan talan kiriye.
Ev cara duyemîn e ku sûc li ser goristana gundê Şêxorzê pêk tînin. Çeteyan par di 6’ê cotmehê de jî gor kolabûn û xerab kiribûn.
Her wiha çeteyan gorên kurdên êzidî li herêma Serêkaniyê û bi taybet gundê Can Temir ê nêzî sînor ji bo lêgerîna zêr û şûnwaran kolandin. EFRÎN
