Komên çete yên El Hemzat û Sûltan Mûrad ên li Babê şer ketin. Hat zanîn ku ji ber –şerê komên çete ziyan gihiştiyê mal û milkê welatiyan
Komên çete yên girêdayî dewleta tirk ku li herêmên dagirkerî talan, dizî, wêranî û hemû nirxên mirovahiyê binpê dikin, hema hema her roj ji bo talan û diziyê şerê hev dikin. Hem li Cerablusê û hem jî li Bab, Ezaz, Efrîn û Idlibê çeteyên dagirker şer dikin û jiyana gelên herêmê dixin nava talûkeyê.
Li gorî agahiyên ji herêmê, li bajarê Babê ku di bin dagirkeriya artêşa tirk a dagirker û komên çete yên girêdayî wê de ye şer derket.
Çavkaniyên ji Babê da zanîn ku şer di navbera komên çete yên El Hemzat û Sultan Mûrad de qewimiye. Şer li herêma sekin şebabî ya li aliyê rojavayê bakurê bajar derket. Li gorî agahiyan, ji ber şer û pevçûnên di navbera komên çeteyan de ziyan gihiştinê mal û milkê welatiyan.
Welatî ditirsin ku ew jî bibin qurbaniyên şerê komên çete. MINBIC
