Navenda Nûçeyan |
Rêxistina Mafê Mirovan a Efrînê ragihand ku dewleta tirk û çeteyên girêdayî wê li Efrînê goran dirûxînin. Di daxuyaniya rêxistinê de hat diyarkirin ku çeteyên girêdayî dewleta tirk li gundê Şêxorze goristanê rûxandine û van kevirên goran didizin dibin difiroşin û li hewşên mala xwe bikar tînin.
Beriya niha jî li Efrînê rewşên wiha qewimîbûn. Herî dawî Goristana Avesta ya li Efrînê ku gorên şervanên YPG, YPJ’ê û sivîlan lê hatibûn veşartin, ji aliyê dewleta tirk û çeteyên wê ve hatibû xerakirin û cenaze ji goran hatibûn derxistin. Heta dewleta tirk îdia kiribû ku ‘goristana komî ye’ lê bi delil û belgeyan derket holê ku goristana sivîlan, YPJ û YPG’ê ye.
