Li gorî nûçeya Ajansa ANHA’yê ku ji çavkaniyê herêmî girtine, çeteyên artêşa tirk duh ji gundê Qeyseriyê yê gundewarê başûrê Girê Spî 4 kes ravandi ne. Çavkanî da zanîn ku kesên hatine revandin, ji eşîra El-Hinada ne.
Her wiha çavkanî destnîşan kir ku çeteyên Cebheta El-Şamiyê ji gundewarê rojhilatê Girê Spî jî 3 kes ravandine û hemû ji eşîra El-Meşhûr in.
Di 28’ê mijarê de li rojhilatê taxa Girê Spî di navbera eşîra El-Meşhûr û çeteyên Cebhet El-Şamiyê şer derketibû, di encamê de ciwanê bi navê Beşar El-Seed ku li dikana telefonan dixebitî hate kuştin. Her wiha li kolanan gule hatin reşandin û du kesên din birîndar bûn.
Hêjayî bibîrxistinê ku çeteyên artêşa tirk çend roj in bi ser malan de digirin û sivîlan direvînin. EYN ÎSA
