Roj bi roj kiryarên dewleta tirk û çeteyên girêdayî wî li dijî gelê herêmê, xwe dide der. Piştî ku dewleta tirk û çeteyên girêdayê wê Serêkaniyê û bi sedan ji gundewarên wê, gundewarên navçeya Til Temirê dagir kirin şûnde êdî dest bi dizî û talanê kirin. Her wiha gelek mal û milkên şêniyan jî dişewitînin.
Li gorî çavkaniyên herêmî çeteyên girêdayî dewleta tirk ev çend roj in dîsa dest bi diziya mal û milkên sivîlên gundên Erbeyîn û Leylan yên ku dikevin ser rêya M4, kirine.
Her wiha li gorî ku di wêne de jî tê xuyakirin, alavên malê û depoyên avê, li otombîlên xwe bar kirine û wan derbasî Serêkaniyê dikin da ku li bazara navçeya Til Xelefê bifiroşin.
Tê zanîn ku li navçeta Til Xelefê çeteyên girêdayî dewleta tirk bazareke firotina dizîna mal û milkên şêniyên herêmên dagirkirî ji xwe re vekirine û tê de hemû tiştên ku ji gel dizîne difiroşin. HESEKÊ
