Çeteyên dewleta tirk a dagirker malbateke efrînî ji mala wan dan koçberkirin, kurê wan ê biçûk revandin û li bermaberî fîdyayê serbest berdan
Dewleta tirk a dagirker û çeteyên wê li Efrînê binpêkirinên li ser şêniyên resen ên herêmê berdewam dikin. Çeteyên tirk bi hevkariya sîxuran ciwanê bi navê D.M ji şêniyên taxa Ziyêdiyê ya Efrînê girtin û birin cihekî ne diyar. Piştî gelek hewldanên malbatê, çeteyan piştî îşkenceya hovane, ji bo serbestberdana wî ji malbatê hezar dolar xwestin. Her wiha çeteyan malbata ciwanê bi navê D.M. bi derxistina ji Efrînê tehdîd kirin.
Malbata ku ji ANHA’yê re axivî ji dê, bav û 3 zarokan pêk tê, niha li bajarê Helebê dimîne. Malbatê nexwest nasnameya xwe aşkera bike. Malbatê diyar kir ku çeteyan ji wan re gotine ger ew ji mala xwe dernekevin dê wan bikujin. Malbat neçar ma ji Efrînê derkevin û berê xwe dan Helebê. EFRÎN
