Leşkeran vizêr serê sibayî eşt dewanê Mistan, Dêre û tay dewanê qezaya Darahênê û dewa Ardukî ya girêdayeyê Çewlîgî ser. Netîceyê sereştişanê dewan de 20 kesî ameyî destbendkerdene. Seba ke dosya ser de qerarê nimitişî esto sebebê destbendkerdişanê dewijan yê ke Fermandarîya Cendermeyan ya Bajarî yenê tepiştene, nêame zanayene.
Serekê Baroyê Çewlîgî Omer Faruk Hulakuyî dîyar kerd ke seba ke dosyayê kesê ke ameyî destbendkerdene ser de qerarê nimitişî esto, sebebê destbendkerdişanê înan nêzanayo. ÇEWLÎG
