Çewlîg de sereştişê banê HDPyî û xeylî keyeyan de 9 endamê Meclîsê Ciwanan ê HDPyî ameyî tepiştene
Polîsan saetanê rewî yê serê sibayî de eşt banê Partîya Demokratîke ya Şaran (HDP) yê Çewlîgî ser. Reyna sereştişê xeylî keyeyan ê qezaya Bongilanî û merkezê bajarî de zî 9 endamê Meclîsî Ciwanan ê HDPyî ameyî desbenkerdene.
Çewlîg de çarçeweya operasyonê qirkerdişê sîyasîyî de polîsan eşt banê HDPyî û xeylî keyeyan ser. Qezaya Bongilanî de 4 û merkezê bajarî de 5 endamê Meclîsî Ciwanan ê HDPyî ameyî tepiştene. Kesekê ameyî destbenkerdenê nameyê Firat Bûlût û Mehmet Nûrî Mertî ameyî eşkerakerdene nameyê yê bînan hema zelal nêbîyî. Ame vatene ke operasyon dewam keno û yeno pawetene ke tepiştene zafêr bê.
Veysel Kaya: Wazenê ke serkewtişê HDPyî ra qesas bigîrê
Hemserekê HDPyî yê Çewlîgî Veysel Kayayî bi eşkerayîyêk vera sereştişan reaksîyon da. Kayayî va: “AKP dest bi helîyayîşî kerd.Coka hêrişê xo zêdînayî. Bi nê hêrişan wazenê ke serkewtişê HDPyî yê 31ê Adare ra qesas bigîrê. La ê seken wa bikerê xoverdayîşê ma do dewam bikero.” ÇEWLÎG
