Ame îdîakerdene ke Çewlîg de cinîyêka bi nameyê Merve K. Pirdê Çapakçûrî ra xo eşte ware. Merve K. ameye berdene bi nêweşxane û hema zî rewşa ci giran a
Ame îdîakerdene ke Merve K. (17) Pirdê Çapakçurî ra xo eşt. Ame vatene ke Merve K. vizêr serê sibayî xo pirdî ra eşte ware. Hemwelatîyanê ke bedenê Merve K. dî xebere daye ekîbanê weşîye. Mudaxeleyê verênî ra dima Merve K. hêverî ameye berdene bi Nêweşxaneyê Dewlete yê Çewlîgî û uca ra zî sewqê Xarpêtî ameye kerdene. Rewşa Merve K. hema zî giran a û weşkerdişê ci dewam keno.
2 Rojan de di cinîyî
Şanê 28ê kanûne de zî cinîyêka bi nameyê Helîn Yuce (17) qatê 5. ê apartmanêke ra xo eşt ware û wefat kerd. Balkêş o ke Çewlîg de di rojan de di xokiştişê cinîyan ê şikdarî ameyî meydan. ÇEWLÎG
