14ê hezîrana 2020î de merkezê ci Kanîreşî de Çewlîg de bi girdîya 5.8î erdlerz qewimîyabi û erdlerz de 22 bînayî rijîyabî û 214 bînayan de zî texrîbat virazîyabi. 31 hezar û 487 hemwelatîyê Çewlîgî binê tesîrê erdlerzî de mendbî.
Erdlerzî ra dima dewa Elmalî ya qezaya Çerme ya Çewlîgî de 6ê êlule de leşkeran û qoricîyan pê zorî banê şarî şabî ra.
Dewijan derheqê babete de PÎRHA rê qisey kerd û da zanayene ke dewlete soz dabî ke herinda bananê raşîyayeyan de bananê neweyan viraza la sozê xo nêard ca.
Dewij Sezaî Şemcîyî 3 serrî verî dewlete banê înan şa ra û hema zî nêviraşt. Şemcîyî vat: “Wextê erdlerzî de selahîyetdaran pê ma tay kaxidî dayî îmzakerdene û ma bîyî deyndar. Erdlerzî hende dewlete ma mexdûr nêkerdî.”
Emîne Adibellî zî îfade kerd ke 3 serrî yo banê înan nêno viraştene û vat: “Merdimî hema zî konteynira de, xeyman de manenê. Ganî verî banê neweyî biameyêne viraştene dima ê kahanî biameyêne rijnayene. Dewlete ganî şarî rê xizmet bikera la mexdûr kena. Seba ke dewe de banê înan nêmendo merdimî neçare bîyî ke şorê metropolan de, mîyanê zehmetîyan de biciwîyê.” ÇEWLÎG
