Wekîlê Partîya Çep a Keske yê Çewlîgî Omer Faruk Hulakuyî 13 hezîrane de vernîyazêkê persan teqdîmê Wezîrîya Perwerdeyî ya Mîllî kerd û vat eke Çewlîg de erdlerz bibo do rewşa mekteban sebo.
Wezîrîya eleqedare 25 temmuze de cewab da Hulakuyî û persanê bînan ê derheqê babete de. Wezîrîye îtîraf kerd ke mektebî zixm nîyê û vat bajar de analîzê 73 bînayan ame kerdene, qerarê zixmkerdişê 32 mekteban û rijnayîşê 41 mekteban ame dayene. Nê mekteban ra têna 9 mektebî rijîyayî. Nêame vatene ke mektebê bînî ameyî vengkerdene ya nê. Wezîrîye vat eke erdlerz bibo wendekarî do bişawîyê Wan û Colemêrgî. ANQARA
