Dîya zanayene ke dewa Çilkunî ya merkezê Çewlîgî de ciwan Hasan Arslanî (23) xo kişto. Arslan keyeyê xo de sey merde dîya. Derheqê serebûtî de tehqîqat dîya destpêkerdene.
Wekîlê HDPyî yê Çewlîgî Erdal Aydemîrî hesabê xo yê twitterî ser o derheqê waqayanê xokiştişî yê Çewlîgî de wina vat: ”Ewro ma pê xebera ciwanêko ke Çilkunî de bîyo pîl, ancî qehirîyayî. Rixmo ke ma nê waqayê xokiştişê ciwanan çend reyî ardî Meclîs gamêke zî nêerzîyaye. Ez keyeyê ciwanî rê serweşîye wazenê. Ma do serebût teqîb bikerê.” ÇEWLÎG
