Ame îdîakerdene ke Çewlîg de cinîyêka bi nameyê Hêlîne Yuce xo kişte
Ame îdîakerdene ke taxa Uydukentî ya merkezê Çewlîgî de cinîyêka bi nameyê Hêlîne Yuce (17) xo kişte.
Goreyê îdîayan bînşewe saete 23.00î de Yuce qatê 5. ê apartmanêkî ra xo eşt erd ro û xo kişt. Dima ke cîranan xebere daye 112î Yuce ameye berdene bi Nêweşxaneyê Dewlete yê Çewlîgî. Yuce nêweşxane de wefat kerde. Derheqê serebûtî de tehqîqatêk dîya destpêkerdene. ÇEWLÎG
