Muftuyê Kanîreşî yê Çewlîgî Îsa Demîrkaynakî îmamanê qeza ra waşt ke her yewê ci 200 TL hawaleya hesabê ci yê banka bikero. Demîrkaynakî îmaman rê ke nêwaşt pere bidê, bi ‘surgunkerdişî’ gef wend. Demîrkaynakî îmaman rê vat ke ê do bi nê pereyî muftutîye rê wesayîtêkê neweyî bigêrê. Demîrkaynakî îmaman ra bi temamî 92 hezar û 400 TL arê da.
Dima ke îmaman gerreyê muftuyî kerd û mesele medyaya komelkîye de vila kerde derheqê Demîrkaynakî de tehqîqatêk dîya destpêkerdene. Muftuyî bi rayîrê mesajê telefonî vat ke ê do nê pereyî bexşê camîyan bikerê. La fotografekê muftuyî eşkera bi ke verê wesayîtê neweyî de poz dano. ÇEWLÎG
